SECTIONS
Wednesday, September 18, 2019
SUPERBALITA CEBU

Baha sa Metro Cebu

BUHO: Ang mga kawani sa Aksyon Agad team sa Talisay City niabli sa buho sa kanal aron maagian sa tubig. (Tampo sa Aksyon Agad)

TUNGOD sa kusog nga pag-ulan kagahapon, pipila ka bahin sa Metro Cebu ang nakasinati og mga pagbaha, sama sa Barangay Bulacao ug Linao sa dakbayan sa Talisay.

Ang kusog nga pag-ulan, matud ni Jhomer Eclarino, weather specialist sa Philippine Atmospheric Geophysical Astronomical Services Association (PAGZASA) -Mactan, ang dala sa trough kun hinungaw sa Low Pressure Area (LPA).

Ang LPA ang nahimo na nga Tropical Depression (TD) Ineng, pasado alas sa kaadlawon, Miyerkules, Agusto 21 sa silangan sa Infanta Quezon.

Ang dul-an sa usa ka oras nga kusog nga pag-ulan ang nitala ang PAGASA Mactan og 21.6 millimetres nga tubig, kon 108,000 ka barrel matag metro kwadrado.

Nagsugod ang kusog nga pag-ulan alas 3:05, Martes sa hapon, (Agusto 20) hangtud na sa alas 4 sa hapon.

Hinungdan nga pipila ka lugar ang nakasinati og pagbaha nga nilanat pa og pipila ka oras, sama sa national highway sa Barangay Bulacao ug Linao sa Talisay, diin niabot sa tuhod ang pagbaha.

Daling’ nipadala sa mga sakop sa Aksyon Agad team si Mayor Gerald Anthony Gullas, kini aron sa pagkuha sa mga basura nga nakabara diha sa mga drainage.

Nitabang usab kini sa pag-man sa trapiko uban ang City of Talisay Traffic Operation Development Authority, human nga adunay gyuy mga sakyanan nga napagngan tungod sa baha.

Matud sa post ni Gullas sa iyang FB page, nga sugdan na sa dili madugay ang drainage outfall diha sa Bulacao dapit sa East Visayan.

Nakita niya nga daku kini nga makatabang pagsulbad sa problema sa baha sa maong barangay.

Ang Department of Public Works and Highways kon DPWH ang motrabaho niini.

Samtang, pagkigtagbuan sa mayor ang City Engineering office ug DPWH ang kalabot sa problema usab diha sa barangay Linao, ilabi na nga nasuta nga catch basin gyud sa mga tubig gikan sa bukid ang lugar.

“Though solving the flooding problem in the city may take a while, I assure my constituents that our Aksyon Agad Team will be there to help lessen the blow to affected motorists and commuters passing by these flooded streets. In Linao’s case, we have decided to bring the matter to engineers as regular clean ups in drainages there could not solve the problem since the area is naturally a catch basin,” tipik sa pamahayag sa mayor. (FMD)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph