UBOS karon sa lawom nga imbestigasyon ang pagdis-arma sa lima ka mga security guards niadtong Martes, Agosto 20, sa quarry site sa Minergy Power Plant sa Quezon, Bukidnon.
Kini ang sulti ni Police Colonel Roy Bahian, ang director sa Misamis Oriental Police Provincial Office.
Matud ni Bahian nga ang kamandoan ni Philippine National Police (PNP) Chief Oscar Albayalde mao ang lawom nga pag-imbestigar sa Civil Security Unit kung wala bay igong kalapasan niini.
"The PNP chief directed the civil security unit to conduct investigation on the operational lapses and administrative lapses," matud ni Bahian, kinsa midugang nga siya mismo nakaadto sa area apan katingalahan lamang nganong wala gyod pagsukol ug deretso gyod nga nahatag ang mga armas.
Dugang ni Bahian nga kung basihan ang nakalatid sa balaod ubos sa Akta Republika 5487, anaa sa rule 7 nga parte sa restriction mao ang dili paghupot sa mga sekyu og high-powered firearms.
Kini human lima ka Ak47 ang nasakmit sa walhong grupo nga adunay 600 kapin ka buhing bala.
"So, I directed my investigation session to conduct lateral investigation considering private security agencies yong mag administer sa kanila mag-supervise, mag day to day watch and under the law, na naa gyod didto giingon it is not allowed to possess bigger than caliber 38," matud ni Bahian.
Nailhan sab ang walhong grupo nga responsable sa pagdis-arma nga mao si Ronald Sacal, Ron Ron Hilugon, alyas Bong Compas, alyas Daloydoy Supera, alyas Rambo Banjo, alyas Ayuma ug uban pa nga galihok sa area sa Bukidnon.
Giklaro lamang ni Bahian nga dili nagpasabot nga nakapangdisarma ang walhong grupo nagkusog ang ilang pwersa ug kini pagpakita ug paaron ignon nga kusog pa bisan og nagkahinay na og maayo.