Teban Eskudero, 74, namatay

NIPANAW na ang usa sa mga haligi sa pulitika sa syudad sa Talisay, apan mas naila dramatorgo sa radyo.

Si Talisay City first Councilor Julian Daan o mas nailhan nga Teban Eskudero, 74 anyos, namatay mga alas 4:45 Miyerkules sa hapon, Agusto 21.

Siya naospital sa usa ka pribado nga tambalanan sa Siyudad sa Sugbo sud sa duha ka mga adlaw.

Matod sa kamaguwangan sa duha ka mga anak ni Teban, Rodel Daan, nga niadtong Lunes pa nila gidala ang amahan sa tambalanan human gihangak ug nakasinati og mild stroke.

“Nag-heart bypass naman gud ni siya 2013. Dayon naa nay mga complications, sakit and nag-dialysis siya. Kato the other day, gihangak, siya then nagka-mild stroke. Gidali namog dala sa hospital. Sulti sa doctor weak na gyud iyang heart,” saysay ni Rodel sa Superbalita Cebu.

Matod sa anak nga mga 1970’s pa lang dramatorgo na ang iyang amahan sa usa ka naila nga radio station sa Sugbo. (FMD)