Remolino nagpanikad sa unang pag-apil sa SEA Games

NAGHINAMHINAM na si Cebuano triathlete Andrew Kim Remolino alang sa iyang kampanya sa 30th Southeast Asian (Sea) Games nga ipahigayon sa Pilipinas karong Nobiyembre 30 hangtod Disyembre 11, 2019.

Ang 19 anyos nga lumad nga taga Talisay City usa sa mga napili sa Triathlon Association of the Philippines (Trap) aron morepresentar sa nasod alang sa men’s individual triathlon.

Si John Chicano, kinsa midaog og silver medal sa 2017 Sea Games, maoy laing gikuha sa Trap alang ning maong event.

Mao kini ang labing unang higayon nga morepresentar si Remolino sa nasod sa usa ka dakong kompetisyon.

Napili sa Trap si Romolino gumikan sa iyang impresibong gipakita sa gisalmutan niyang sunodsunod nga Sea Games qualifying races.

Siya ang nipatigbabaw nga Pinoy sa Subic Bay International Triathlon 2019 niadtong Abril ug 2019 Gyeongju ASTC Asian Triathlon Championships sa South Korea niadtong Hunyo. Gipasabot ni Roland nga grabe ka lisod ang ilang training. (RSC, ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph