Fajardo wa moapil sa victory party sa SMB

SAMTANG nagsadya sa pagsaulog ang iyang mga kauban sa San Miguel Beermen sa pagkahimo nilang kampiyon sa Philippine Basketball Association (PBA) Commissioner’s Cup, ang Sugbuanong higante nga si JuneMar Fajardo nagkadusingot sa praktis sa Gilas Pilipinas niadtong Martes sa gabii sa Meralco gym.

Mao kini ang labing unang higayon nga miapil si Fajardo sa praktis sa Gilas gikan sa Commissioner’s Cup finals series diin mingdaog ang Beermen batok sa Talk N’ Text KaTropa, 4-2.

“Priority natin yung Gilas Pilipinas ngayon,” asoy ni Fajardo sa interbyu sa Spin.ph.

Tradisyon na sa Beermen nga magpahigayon og kasaulogan sa ilang headquarters sa kompanya sa Ortigas kon makasakmit kini’g titulo ug mismong si SMC president ug CEO Ramon S. Ang ang nagpaandam niini.

Nikuyog si Fajardo dihang mingbisita ang kinatibuk-ang puwersa sa Beermen sa opisina ni Ang sa wala pa ang kasaulogan ug nananghid kining mobiya og sayo aron moapil sa praktis sa Gilas.

“Nagpunta yung team doon [opisina ni Mr. Ang], so nagpaalam ako. Ok naman sa kanya,” matod sa produkto sa University of Cebu (UC) Webmasters.

“Sinabi ko na hindi na muna ako sasama sa party. So naintindihan naman ako ng management so thankful ako sa kanila.”

Gipasabot ni Fajardo, 5-time PBA MVP, nga dali ra siyang nakakuha sa sestimang gisunod sa Gilas ubos sa paggiya ni Guiao. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph