KONTROBERSYAL-ug pyansadong anak ni Talisay City Mayor Soc Fernandez nga si Joavan nalambigit na usab og laing kontrobersya.

Ning higayuna, siya gipasanginlang nanagpa ug nisuway pagpatid sa duha ka mga pump boy ug sa usa ka security guard sa usa ka gasoline station alas 12:30 sa miaging kaadlawon sa Bulacao, Talisay City.

"The Manny Pacquiao Blog". Click here for stories and updates on the Filipino boxing champ.

Nidangop sa Bulacao Barangay Hall aron magpa blotter og threats ug harassment sila si Rodel Requina, 19, ug Rolando Nara, 20, pulos mga trabahador sa Shell Gasoline Station sa nahisgutang dapit.

Nasaksihan sa guard-on-duty nga si Jundel Antica ug laing babaye’ng cashier sa gasolinahan sa nahisgutang oras nga si Joavan nagmaneho sa iyang Mitsubishi Pajero nga kolor green (plate no. GMC 357) nga nasuko sa mga biktima nga wa dayon tubili og gasolina ang gimanehong sakyanan.

Ang duha ka pumpboys wa mohatag sa gipangayo ni Joavan gumikan sa kasabutan sa tag-iya sa Shell ug ni Mayor Fernandez nga di tubilan ang sakyanan sa dakbayan kon way gas slip nga ipakita.

Hinungdan nga ilang gipatawagan ang mayor aron pagseguro nga may clearance sa amahan ang iyang pagpagasolina.

Nitawag gilayon si Joavan sa iyang amahan ug sa dihang anaa na sa pikas linya ug aron pagsiguro nga madungog ni Requina ang tingog sa mayor, gihatag ang cell phone ni Joavan ngadto kang Requina apan giingong gidungan sab ang sagpa sa agtang sa pumpboy.   Natubilan og full-tank ang Pajero ni Joavan human sa mando sa mayor ug human niini daling nipahilayo si Joavan.

Samtang ang desk officer-on-duty sa Talisay Police Station SPO1 Elmer Saladas nga nakadawat sa alarma, daling niresponde sila si SPO1 Ricardo Balbutin ug PO1 Rusty Pelayo apan nakabiya na si Joavan paghiabot sa mga pulis.

Sa interview sa dyLA, si Antica niingon nga iyang nakita ug nakalitan siya sa hitabo.

Gusto unta siyang mopatunga apan wa siya moduol sanglit na-harass na siya kaniadto ug di na siya gusto pa nga mausab.

Apan iyang gipahibawo nga ang pagsagpa ug paghana sa patid nga insidente nakuha sa Shell station closed-circuit camera.

Human sa pila ka minutos, niabot si Mayor Fernandez nga nibayad gasolina nga gitubil ni Joavan nga mobalor sa P3,000.

Apan matod ni Atica nga ang mayor mikombinser kanila nga di na lang padak-on ang nahisgutang issue.

Ang nahisgutang Shell gas station gikataho nga mao usab ang source sa fuel alang sa City Hall hinungdan nga migawas ang mga pagduda nga ang gikuha nga gasolina ni Joavan ipa-charged sa Talisay fuel budget.

Matod ni Antica nga sa miaging duha ka semana nasuko usab si Joavan kaniya dihang iyang gibalibaran paghatag og mga item nga kuhaon unta sa convenience store, hinungdan nga gisukna siya kon gusto ba sa granada, dungan sa pagpakita sa iyang pusil gikan sa iyang sakyanan ug mibilin sa estorya nga wala pa mahuman ang ilang away.

Samtang si Mayor Fernandez nga nahinabi sa dyAB niingon nga wala siyay pagkuwang sa pagpahimangno ni Joavan sukad sa gamay pa kining bata.

“I always remind him and he listens to me. But whatever are the consequences, I will accept them because I will always stand as a father to him,” batbat ni mayor Soc.

Giangkon ni Mayor Fernandez nga pabor siya sa mga sugyot nga ipaubos si Joavan sa counseling o medical test sa pag examine sa huna-huna niini.