SUPERBALITA CEBU

Nangawat og mga alahas nadakpan

SUSPEK sa pagpanglungkab sa Prince Warehouse sa Club sa Barangay Bulacao, siyudad sa Sugbo, diin nakakuha og mga alahas nga mokantidad sa P240,848 ang nasikop sa follow-up operation sa mga sakop sa Pardo Police Station niadtong Mmiyerkules sa hapon, Aghusto 21.

Ang nasikop usa ra usab ka trabahante sa Prince Warehouse nga si Jeffrey Balesoro, 32, lumad nga taga lungsod sa Alicia, Zamboanga Sibugay ug kasamtangang nagpuyo sa dalan Cabreros, Barangay Basak sa siyudad sa Sugbo.

Nabawi sa kapulisan ang mga alahas nga iyang gikuha sa jewelry section nga nahimutang sa ground floor sa maong tindahan.

Makita sa CCTV sa ala una sa kaadlawon niadtong Miyerkules Agusto 21, nga miagi ang suspek sa kisame ug sa dihang naa na sa sulod iyang gipang-disconnect ang mga CCTV camera.

Nailhan siya sa iyang mga kauban sa kuha sa CCTV ug wala usab na kini mo-duty nianang adlawa nga hinungdan nga dali siya nga gipangita sa kapulisan.

Nasakpan ang suspek sa iang gipuy-an sa Cabreros ug nabawi usab ang mga alahas nga iyang gipangkuha gikan sa tindahan. (AYB)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph