SECTIONS
Monday, September 16, 2019
SUPERBALITA CEBU

Nag-unay tungod sa kwarta?

(SunStar file photo)

USA ka pulis nga nag absent without official leave (AWOL) sa Dakbayan sa Davao nga giingong kasusyo sa investment scheme ang usa sa persons of interest sa Balamban Police Station sa pagpatay kang kang Armando Oppus.

Onsehan sa minilyon nga kwarta ang gituohan sa kapulisan nga motibo sa pagpatay kang Oppus.

Si Oppus nakaplagang patay sa Brgy. Cansomoroy, Balamban niadtong Martes sa gabii.

Matod ni Police Major Christian Torres, hepe sa Balamban Police Station, nga adunay daghang nag private message kanila sa ilang Facebook page diin nagtumbok sa usa ka pulis nga nag-Awol.

Ang pulis nadestino sa Davao City Police Office (DCPO) nga ang asawa giingong kasusyo ni Oppus.

“Naa man guy involved ani nga iyang kasusyo sa investment scam is awol nga pulis sab. Mao na atong tutukan sad nga katong maong pulis, ang asawa niya is apil ato sa dako-dako nga share sa investment scam nila,” matod ni Torres.

Giklaro hinuon ni Torres nga mga posibilidad pa lang kini sa ilang imbestigasyon tungod kay nangita pa silag lig-on nga ebedensya nga maka tumbok sa tinuod nga responsabli.

Makig-alayon sila sa kapulisan sa Siyudad sa Davao aron makuha ang status kon tinuod ba nga nag-Awol na ang pulis.

Sa interbyu sa Superbalita Davao, gipasalig ni DCPO spokesperson Police Captain Ma. Theresita Plaza-Gaspan nga kon ugaling masayran nga kanhi pulis sa DCPO ang nag-unang suspek sa pagpatay ni Oppus, chief executive officer sa Crowd Royals Real Estate Services, matabangan nila ang kapulisan sa Balamban sa imbestigasyon.

Sumala ni Plaza-Gaspan nga dako ang kahigayonan nga ang kaso mapasaka sa Sugbo gumikan kay kini ang nahitaboan sa krimen.

Apan giklaro niya nga ang kasong administratibo dili na mahitabo kay sibilyan na ang pulis kon ugaling nag-Awol.

“If atong makita ug masuta nga kanhi sa DCPO siya na-assigned, atong matabangan ang Balamban PNP paunsa masikop ang suspek,” ingon ni Gaspan.

Giingong napasaka na ang kaso ngadto sa korte batok sa mga opisyal sa Crowd Royals, apan wa pay nigawas nga warrant of arrest batok kanila.

Si Torres niingon nga lakip sa ilang nahibaw-an base sa mga impormasyon gikan sa mga nakaila kang Oppus nga nagdala kini og minilyon nga kwarta pag anhi sa Sugbo.

Tungod niini nga mga kasayuran, nagtuo na sila nga may kalabutan na sa kasong large scale estafa nga gilambigitan sa biktima ang hinungdan.

“Ang iyang mga biktima ubay-ubay man gyud kuno matod pa sa taga Davao. Nya usa sa mga anggulo nga atong gitan-aw katong iyang mga kasosyo. Basig unay na pud ni sila tungod sa kwarta kay allegedly nag dala man daw nig dakong kwarta,” dugang ni Torres.

Matod ni Torres, usa ka higalang babaye ni Oppus nanawag kanila nga mo-claim ang uyoan sa biktima.

Apan hangtod sa Huwebes sa hapon, Agusto 22, wa pay nipatim-aw sa ilang buhatan.

Si Torres nidugang nga nabalaka usab ang pamilya ni Oppus sa kahimtang sa mga ginikanan niini.

Ang higala nibutyag nga gidala ni Oppus ang iyang mga ginikanan sa pag-anhi sa Sugbo.

Ila na usab nga gisubay sa Land Transportation Office (LTO) kinsa ang tag-iya sa sports utility vehicle nga gisunog nga nahulog sa pangpang sa Barangay Sunog. (Dugang taho ni GPL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph