SECTIONS
Friday, September 20, 2019
SUPERBALITA CEBU

Rabacal: Basura ug ayuda

Pakabana

KINAHANGLANG ikiha gayud aron masilutan ang mga tawong magpataka’g labay sa mga basura labi na sa kasapaan. Karong bag-o nanglimpiyo ang mga sakop sa Cebu City hall sa Guadalupe River. Apan pagkahuman sa pagkuha sa mga basura nga wala madugay dihay mga tawo nga nanglabay na usab sa ilang mga hugaw sa sapa dapit sa Barangay Pasil. Samtang gihimo ang panglimpiyo aduna usay mga nagsuroysuroy sa kabalayan nga nag-awhag nga undangon na ang pagpataka’g labay sa ilang mga basura aron paglikay sa silot nga multa ug pagkapriso. Ang mga barangay kapitan gipasidan-an ni Mayor Edgardo Labella nga posible silang masuspenso kon dili mag-monitor sa mga tawo nga pagpataka’g labay sa ilang basura.

Subay sa maong kampanya gipahibawo sa mayor nga tanang 80 ka mga barangay makadawat og tag P5 milyones nga hinabang alang sa pagpangulekta sa ilang basura ug ubang programa sama sa paglimpiyo sa barangay ug mga agi-anan sa tubig. Wala kunoy pagpinig ug pamulitika ang pangpanghatag niini. Kon maayo ang pagpanglimpiyo sa ilang barangay gahinan ug mahatagan sila og dugang P5 milyones sa sunod nga Budget.

Nahimu-ot si ABC president Franklin Ong nga mao usab ang kapitan sa Barangay Kasambagan tungod kay makapalit na og garbage truck ang mga barangay nga wala pa niini. Gidayeg usab ni Banilad Barangay Captain Dennes Tabar ang gihimo ni Mayor Labella apan suma niya nga nasagmuyo ang mga kapitan nga kaalyado sa BOPK kay hangtud karon wa pa pirmahi sa mayor ang authority to serve nga gikinahanglan aron mahatagan og allowance ang ilang mga garbage truck loader ug driver. Hinaut pang mahatagan kini og pagtagad ni Mayor Labella.

•••

Niadtong Agusto 19, gihimo ang piniliay alang sa mga private sector representatives (PSRs) sa Central Visayas Regional Development Council (RDC 7). Ang gipili mao ang alokasyon nga pito sa Cebu, tulo sa Bohol, tulo sa Negros Oriental ug usa sa Siquijor. Ang napili sa Cebu mao sila si: Virgilio Brigido Espeleta sa Cebu Chamber of Commerce5 and Industry, Inc.; Bert Go sa Philippine Retailers Association, Inc. – Cebu Chapter; Kenneth Cobonpue sa Cebu Furniture Industries Foundation, Inc.; Abundio Gultiano, Jr. sa Central Cebu Board of Realtors; Fe Walag sa Soil and Water Conservation Foundation, Inc.; Evelyn Nacario-Castro sa Options, Inc.; ug Gordon Alan Joseph sa Cebu Business Club, Inc. Sa Bohol napili sila si Argeo Melisimo, Francis Batoy ug Jun Salgados. Hangtud niining pagsulat wa pa makuha ang mga mananaug sa Negros Oriental ug Siquijor. Usa sa mga voters mao ang naila na kaayong broadcast ug print journalist nga si Elias Baquero.

Karong Sept. 20, himuon ang pagpili sa mga sakop sa PSR ang chairman sa nagkalainlaing committee nga mao ang Infrastructure Development, Ecdonomic Development, Social Development, Davelopment Administration, Environment ug ang Cultural committee. Sila maoy apil sa mahimong sakop sa RDC Full-Council alang sa termino nga sugod karong 2019 hangtud sa 2022. (mannyrabacal1144@gmail.com)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph