ANG Philippine Sports Commission (PSC) andam na sa pagpahigayon sa 2019 Batang Pinoy National Championships sa Puerto Princesa City, Palawan gikan Agosto 25 ngadto 31.
“The PSC is ready for the growing number of delegates that will take part in the games,” suma ni National Secretariat Head Manuel Bitog.
Anaa sa halos 10,000 ka atleta, coaches, technical ug delegation officials lukop nasud gilaumang makigtigi sa 31 ka sporting activities.
Ang PSC nagpili og 10 ka billeting areas aron maakomodar ang delegasyon sa 234 ka local government units nga nagrepresenta sa nagkadaiyang aktibidad.
Anaa ang Sta. Monica Elem. School, Sta. Monica High School, F. Ubay Memorial Elem. School, Manuel Austria Memorial Elem. School, Sicsican Elem. School, Sicsican High School, Puerto Prinsesa Science High School, Palawan National School, Puerto Prinsesa Pilot Elem. School and San Jose Nat’l High School.
Unom ka billeting areas giandam aron i-accommodate ang uban pang partisipante.
Si National Secretariat senior member Teresito Fortaleza nagreport nga ang PSC team nagahimo og final ocular inspection sa kompetisyon ug non-competition venues alang sa national championships uban si Puerto Prinsesa City Sports Director Atty. Rocky Austria karong semana.
May Children’s Fun Run sab nga himuon sa Agosto 31, diin anaa sa otso mil ka kabataan luko probinsiya ang gitarget nga mosalmot.
Si PSC Commissioner Celia Kiram ug Puerto Princesa Mayor Lucio Bayron pormal nga mipirma sa Memorandum-of-Agreement alang sa duwa isip host, niadtong Hulyo 26.