SECTIONS
Thursday, September 19, 2019
SUPERBALITA DAVAO

4 nihagad og tariki sa mga menor de edad nasapon

LAING upat pa ka suspek ang nadakpan ug gipangkasohan na sa kapulisan sa Magsaysay, Davao del Sur human gitudlong apil sa buot molugos sa duha ka menor de edad sa Barangay Kasuga, Magsaysay town, Davao del Sur niadtong Lunes sa kaadlawon, Agosto 19.

Apan usa sa mga menor ang napatay samtang ang usa samdan sa dihang gipangluba human nisukol sa mga suspek.

Unang nasikop ang principal suspect nga si Jan Michael Pakiwag Daweng, 18, molupyo sa Purok 7, Barangay Dalawinon sa lungsod.

Nasayran nga mga kauban ni Daweng nailhang sila si Cyril John Catipay Bonzo, 18; Antonio Genoguin Sabanal Jr., residente sa Purok 7, Brgy. Kasuga; Raul Pardillo Mañacap Jr.; ug John Mars Manzano, pulos taga Purok 3, Brgy. Kasuga.

Mga suspek maoy uwahing kauban sa usa sa mga biktima nga 16-anyos nga miadto sa disco party ug gikuyogan sa mga suspek sa pagpauli niini.

Kuyog sa biktima ang iyang classmate nga nag-edad og 15 anyos sa pagpauli sa Barangay Kasuga.

Wa magdahom ang mga biktima nga adunay dautang tinguha ang mga suspek mao nga gihunong ni Daweng ang motorsiklo sa may gamay’ng sapa duol na sa Barangay Kasuga ug gihagad nga mag-sex apan mibalibad ang mga biktima.

Gihulagway sa kapulisan nga nasuko si Daweng dihang nanagan ang mga biktima mao nga ilang gigukod ug way daghang rason nga giduslak og kutsilyo.

Sa insidente, ang 16 anyos ang nagrabehan sa pagpanunggab mao nga hikabsan gilayon sa kinabuhi.

Sumala sa imbestigador nga si Police Staff Master Sergeant Jerome Quiapo nga padayon pang gitambalan sa Southern Philippine Medical Center (SPMC) sa Davao City ang 15 anyos nga classmate sa namatay human nahiagom sab og mga samad dinunggaban.

Nangayo karon og hustiya ang pamilya sa mga biktima samtang ilang mga higala nagtinguha nga ibalik na ang death penalty aron masilotan og kamatayon ang mga suspek.

Gitun-an sab sa kapulisan kon madugangan ang kasong murder ug frustrated murder sanglit ilang gihuwat ang resultang medikal kon nahilabtan ang mga biktima ug dinhi na idugang ang kasong lugos.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph