DSWD-7 mihatag og food packs

PAGKAON ALANG SA TAGA ISLA: Ang Department of Social Welfare and Development (DSWD)-7 staff uban sa pag-abag sa local government sa Lapu-Lapu City naghatod og mga family food packs sa mga lumolupyo sa Olango Island ug ngadto sa Nasingin Island, Getafe, Bohol. (Tampo)
PAGKAON ALANG SA TAGA ISLA: Ang Department of Social Welfare and Development (DSWD)-7 staff uban sa pag-abag sa local government sa Lapu-Lapu City naghatod og mga family food packs sa mga lumolupyo sa Olango Island ug ngadto sa Nasingin Island, Getafe, Bohol. (Tampo)

ANG Department of Social Welfare and Development (DSWD) Field Office VII nanghatag og dili mominus 11 mil ka famly food packs sa mga nagpuyo sa pipila ka isla.

Kini uban sa pag-abag ni Bohol Governor Arthur Yap ug mga buhatan sa lalawigan, Municipal Social Welfare and Development Officers (MSWDOs) ug Municipal Disaster Risk Reduction and Management Officers (MDRRMOs).

Dili pa lang dugay, ang pag-igo sa southwest monsoon o Habagat hinungdan sa dagkong bawod tungod usab sa bagyong 'Hannah' nakapatangong sa panginabuhi sa taga isla.

Sa Bohol province, ang lunsod sa Talibon nakadawat og 1,900 family food packs niadtong Agusto 8 samtang, ang lungsod sa Getafe nakadawat og 800 family food packs niadtong Agusto 15.

Ang DSWD-7 nakahatod sab og 1,700 family food packs sa lungsod sa Buenavista.

Ang DSWD-7 nihatag usab og 6,600 family foods packs sa walo ka mga barangay sa Olango Island sa Lapu-Lapu City, Cebu niadtong Agusto 12.

Usa kini ka kalihokan ubos sa koordinasyon ni City Mayor Junard “Ahong” Chan.

Ang family food packs pasiunang hinabang sa nasudnong kagamhanan sa pinaagi sa DSWD-7 sa mga apektadong mga dapit sa Habagat.

Ang matag putos dunay 6 kilos rice, 4 canned sardines, 4 canned meat ug 6 sachets 3-in-1 coffee.

“We have enough stockpile of family food packs ready for immediate delivery to the LGUs upon request,” matod ni Director Rebecca P. Geamala, nga nipasalig sa publiko nga dunay igong pundo ang DSWD 7 nga andam ihinabang kon dunay emerhensiya. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph