MOABOT sa 12 ka mga jail guards lakip si assistant provincial warden Maricris Mulat sa Misamis Oriental Provincial Jail and Rehabilitation Center (MOPJ) ang nakadawat og pasidungog.
Kini nagikan pangamhanang lokal sa Misamis Oriental, isip pag-ila sa ilang kontribusyon ug pagpakgang sa pagpayuhot sa ginadiling droga sulod sa nasangpit nga pasilidad.
Gibasihan ang pasidungog sa malampuson nga pagpahigayon sa Oplan Galugad niadtong bulan sa Pebrero hangtud Abril 27, 2019, nga nag-resulta sa pagkabawi sa pipila ka butang nga ginadili sulod sa prisuhan.
Natunolan sa pasidungog mao sila si Rezzel Elumbaring, Michael Ybanez, Alex Bade, Ahmade Balolong, Jr.; Bryan Cinco, Dante Estrada, Joel Molo, Elmar Ortega Jr.; Rosemarie Pador, Marlon Relos, Demie Santiago, ug Rustom Gines nga gihatag ni Board Member Boboy Sabal III ug Provincial Administrator abogado Jocelyn Lood-Mateo.