SECTIONS
Friday, September 20, 2019
SUPERBALITA CAGAYAN DE ORO

Nanglugos sa 7 anyos ‘tiklo’

WALAY piyansa nga girekomendar ang korte sa kasong giatubang sa usa ka lalaki nga gitumbok nga nanglugos sa syete-anyos nga batang babaye diha sa lungsod sa Alubijid, Misamis Oriental.

Niadtong Agusto 21, alas 7:20 sa gabii, nadakpan ang suspek nga si Jabar Damalan Ragmac, 28, ulitawo, Barangay Sungay lungsod sa Alubijid Misamis Oriental.

Sa pagpangulo ni Police Captain Lister Ceriales, hepe sa Alubijid Police Station, ilang gikasa ang operasyon pagdakop kang Jabar human miguwa ang warrant of arrest batok niini.

Ang warrant giisyu ni Judge Arthur Abundiente kinsa acting presiding judge sa RTC Branch 44, Initao, Misamis Oriental ug ang statutory rape nga giatibang ang walay girekomensar nga piyansa.

Si Master Seargent Mark Valles sa Alubijid Police Station nibutyag sa SunStar Superbalita nga syete anyos ang biktima sa pagpanglugos nga natigayon niadto pang bulan sa Mayo.

Kining suspek unang nakig-inom sa amahan sa biktima. Dihang wala kamatikod ang amahan, iyang gidala ang syete anyos ug gipasakay sa motorsiklo niini. Gidala kini niya sa kamanggahan nga bahin ug didto gilugos ang biktima.

Pila pa ka minuto usa pa nasundan sa amahan ang duha ug didto sapon sa akto sa amahan nga nakahubo pa ang suspek ug ang 7 anyos nga bata niangkon nga gikan siya gilugos sa suspek.

Basi sa resulta sa medical examination, positibong nalugos ang biktima.

Ila kining gipasakaan og kaso ug niadtong Agusto 15 miguwa ang warrant of arrest sa suspek nga deretso sab dayon gi-monitor sa kapolisan ug gisikop niadtong petsa 21 ning bulan.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph