USA ka clean-up drive sa Mananga river ang himuon sa libuan ka mga Talisaynon, nga panguluhan sa mga kawani sa Talisay City Hall karong Biyernes sa buntag, Agusto 23.
Human sa sapa sa Bulacao sa niaging bulan, ning Agusto, ang Mananga river ang punterya sa kagamhanan sa syudad sa Talisay nga malimpyuhan.
Isip kabahin kini sa 8-point agenda ni Talisay Mayor Gerald Anthony Gullas, diin usa niini ang binuwan nga paglimpyo sa mga sapa, kada semana nga pag-declog sa drainage, quarterly nga coastal clean-up ug sa insakto nga paghipos sa mga basura.
Sugdan ang pagpanglimpyo, alas 6:00 hangtud sa alas 9 sa buntag.
Diin ang pipila ka kilometro nga sapa, gikan na sa may Jaclupan hangtud na duol sa dagat, ang tungaon ngadto sa 11 ka estasyon.
Sa miaging bulan, nakakuha og 4 ka toneladang basura gikan sa pagpanglipiyo sa Bulacao river. (FMD)