MANILA--Officially out na sa Viva ang tisoy aktor nga si James Reid. I don’t know kung unsay arrangement nila tungod kay nasayod ako nga si Boss Vic del Rosario, dili na basta-basta mo-kontrata og pipila lang ka tuig, ang pinaka mobo is 15 years. Di ba si Sarah Geronimo, 25 years yata ang contract sa Viva?
Ang nag-manage karon kang James mao ang iyang amahan so kung may nahabilin mang mga tuig si James sa Viva, siguro nakipag-settle sila.
In fairness sa Viva, napasikat nila nang husto si James Reid. Remember, nag-PBB si James pero di siya napansin. Pero sa dihang napunta siya sa Viva years after ug na-partner kang Nadine Lustre, didto na nagsugod og arangkada ang career ni James and even Nadine.
Karon nga out na si James sa Viva, ang nipuli kaniya mao si Marco Gumabao nga hot na daan ug mosamot siya pagka-hot karong nasa Viva na siya. And look, he is partnered now by no less than Anne Curtis.
James is out, Marco is in sa Viva.
Ug sa tan-aw ko, si Marco ang makakuha sa mga blessings nga unta napunta kang James. Ambot og unsay rason ni James ug sa iyang papa niya, nganong kinalitay man lang ang ilang desisyun nga mohawa sa Viva to think nga wala siya pasagdai sa Viva.
Karong wala na sa Viva si James, unsa kaha ang desisyun ni Nadine Lustre? Mohawa sad ba siya sa Viva or magpabilin?
Flop ang last movie ni Nadine nga “Indak”.
Well, tan-awon na lang nato kung unsa ang mamahimong dagan sa career karon ni James nga wala na siya sa Viva. May hashtag pa naman karon kabahin kang James and it says “walangutangnaloob.”
Unsa man, mobalhin siya sa ABS-CBN nga kuyawkuyaw pa naman sa kasamtangan og nasayod kamo kon ngano.
Kung sa GMA 7 naman , puwede pero nasayod naman ta sa Syete nga dili jud sila consistent sa pag-build up og artista unlike sa ABS-CBN nga dili jud nila lung-an ang artista nga sa tan-aw nila may potential, talagang super build-up sila hangtud sa mosikat kini.
Well, hinaut unta nga dili magmahay si James ug ang iyang amahan sa paglayas nila sa Viva.