Dear Noy Kulas,
Maayong adlaw kanimo, Noy Kulas. Tawga lang ko og Roel. Nagpadala ko nimo aning akong problema aron magpatambag kay sakit na kaayo ang akong dughan.
Ang akong problema ang relasyon namo sa akong amiga. Close friends mi sukad nagkauban sa work. Magkuyog mi bisan asa until na-develop ang akong feeling niya. Kay lagi na in love na ko niya, ako siyang gisultihan sa akong gibati niya. Igo ra siyang nikatawa ug ni-hug nako kay close friends ra kuno mi kutob kay naa na siyay boyfriend nga foreigner. Pero niabot ang time nga naay nahitabo namo during sa among outing. Didto na nagsugod nga di mi uyab pero matawag nga friends with benefit. Di tuod mi uyab pero pirme na namo gibuhat ang di unta angay nga buhaton.
Niresulta ang among gibuhat kay nimabdos siya. Ako siyang giingnan nga manubag ko, pero ingon niya ang iyang boyfriend ready mangamahan sa bata kay iya man nga gisultihan. Naguol ko kay moanhi na ang foreigner next month aron i-arrange ang ilang kasal.
Sakit kaayo huna-hunaon, Noy Kulas, kay iyang gipili ang foreigner kay nako bisan sa nahitabo namo. Ingon niya nga friends ra mi, not lovers bisan ako ang amahan sa iyang gimabdos. Please tambagi ko unsa ang akong buhaton. Mahimo ba nga ako ang ma register nga amahan sa bata ug mahimo bang makapugos ko sa pagpaila sa bata? Nagkinahanglan ko sa imong tambag.
ROEL
Roel,
Kining imong katapusang mga pangutana nagkinahanglan ka nga mokunsulta og abogado kay legal man ni. Aron mahibaw-an nimo kon duna ka bay katungod sa bata bisan kon ang inahan nga maoy imong amiga di gusto nga ikaw ang mangamahan, labina kon makasal na sila sa foreigner. Di usab angay ikahibung nang foreigner nga andam modawat sa bata kay ang uban, ingon ana ka liberal. Samtang wa pa moabot ang mao nga adlaw, konsulta una og abogado aron magiyahan ka sa imong next move.
Sakit man tuod but respect sa unsay desisyon sa imong amiga kon mao na ang iyang nakab-ot. Iyaha man nang kinabuhi, di imoha. Apan tuo lang, kon kamo, kamo gyud kana kon motuo kag destiny. Usahay bitaw, life is strange. Basin pa, magkabuwag sila sa foreigner nya ang ending kamo. Will you still accept her? Kay diri baya sa akong column, duna nay nahitabo nga ingon ani. But wa ko mag-ingon nga huwata siya. Move on human ani. Kaya na nimo kay ang sakit, sagad sa sugod ra.
NOY KULAS