MGA duwa karon
6:00 pm. - Batch 2007 vs. Batch 2013
7:30 pm. - Batch 1982 vs. Batch 1987
9:00 pm. - Batch 1994 vs. Batch 1994
Laing hut-ong sa mga team ang masubhan karong gabii atol sa ikatulong adlaw nga kombati sa University of San Carlos-North Alumni Basketball Club (NABC) Cebu City Mayor’s Cup sa USC Boys High School gym, General Maxilum Avenue, dakbayan sa Sugbo.
Ang Batch 2007 makigsangka sa Batch 2013 sa premirong duwa sa triple-header nga sugdan sa alas 6:00 sa gabii samtang ang Batch 1982 mosuway usab sa katakos sa Batch 1987 sa ikaduhang duwa sa alas 7:30 sa gabii.
Sa main game nga mosikad sa alas 9:00 sa gabii, ang Batch 1992 makigtigi sa Batch 1994.
Ang kalihukan, nga maoy pinakadugayng basketball tournament sa mga alumni association sa mga unibersidad sa Sugbo, gisugdan niadtong Dominggo, Agusto 18 diin lakip sa miseremonyas niini si Cebu City Mayor Edgar Labella uban ni commissioner Ramon “El Presidente” Fernandez sa Philippine Sports Commission (PSC) ug Cebu City councilor Dondon “Cebuano Hotshots” Hontiveros.
Hangtod ning pagsuwat, ang Batch 1995 padayon nga nakigsangka sa Batch 1998 sa first game samtang ang Batch 2001 ug ang Batch 2005 nagtigi usab sa main game.
Miabot ngadto sa 30 ka teams ang mingsalmot sa torneyo nga gibahin ngadto sa upat ka divisions - Division I, Division II, Division III ug Seniors Division. (JBM)