2 ka mga puya gilabay; usa sa mga inahan mitahan sa pulis

DUHA ka mga masuso ang yano lang nga gipanglabay sa managlahing mga dapit diha sa Dakbayan sa Mandaue sa Huwebes, Agusto 22, 2019.

Unang napalgan ang pito ka buwan nga puya nga giputos sa usa ka plastic ug gilabay sa mingaw nga luna sa Brgy. Maguikay.

Napalgan sa usa ka Romeo Navaja ang masuso, gi-report sa kapulisan apan nakabsan na kini og kinabuhi pag abot sa tambalanan.

Saysay ni Police Major Mercy Villaro, information officer sa Mandaue City Police Office (MCPO) nga gipugos pagpagawas sa inahan ang masuso tungod kay wa siyay mahuna-hunaang sulbad sa problema.

Nakadesisyon siya nga ipagawas ang bata ug ilabay nalang.

“Gisekreto niya ang iyang pagbuntis nya until nga 7 months old na sa iyang womb ang bata naka-decide siya. Nya matod niya, na-panic siya so mao to, ni decide siya nga iutong nalang ang bata didto sa sulod sa CR,” saysay ni Villaro.

Ang mga miresponde nga pulis gikan sa Womens And Childrens Desk (WCPD) maoy nipa-admit sa masuso ug gipanganlan nila kini og Maggie Kaye, pangan kinuha gikan sa “Maguikay” kon asa siya mapalgi.

Apan sa pila lang ka oras, nakabsan na sa kinabuhi ang masuso. Ang inahan sa bata nga 21 anyos nga helper, nitahan sa kapulisan.

Kasamtangang gitanggong ang inahan ni Maggie Kaye sa Mandaue City Police office (MCPO).

Mopaubos una siya sa mga pagsusi samtang naghuwat sa tukmang kaso nga ipasaka batok kaniya. Pipila ka oras ang milabay usa sab ka patay na nga puya napalgan sa kapulisan sa sitio Riles, Brgy. Basak sa nahisgutang dakbayan nga gisulod sa usa ka karton. (ANV)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph