SECTIONS
Thursday, September 19, 2019
SUPERBALITA CEBU

34 metriko nga toneladang basura nakuha sa Mananga

BASURA: Nagsud-ong ang usa ka bata samtang gikaykay sa usa ka volunteer ang nagtipun-og nga mga basura sa Mananga River atol sa clean up drive sa Biyernes sa buntag, Agusto 23. (Alex Badayos)

MOABOT sa 34 metric tonelada ka mga basura ang nahakot atol sa Mananga river clean-up, Biyernes sa buntag, Agusto 23.

Lakip sa gilimpyuhan ang mga creek nga nakapalibot sa Mananga, diin 19 metric tons gikan sa sapa ug 15 gikan sa creek.

Plastik nga mga bulseta ug nagkadaiya pang klase sa mga plastic nga basura ang kadaghanan nga nabantayan nga nagkatag sa pipila ka kilometro nga sapa sa Mananga.

Kini ang nabantayan sa mayor sa Siyudad sa Talisay atol sa clean-up drive nga nagsugod sa alas 6 hangtud sa alas 9 sa buntag.

Tungod niini, gitug-an ni Mayor Gerald Anthony Gullas nga pakigtagbuan niya ang konseho sa Siyudad sa Talisay aron sa pagpakisayod sa existing nga ordinansa batok sa mga plastic, alang sa posibleng amendment, aron mabutangan na og ngipon.

Kon estrikto na nga mapatuman ang ordinansa kalabot sa paggamit sa mga plastik.

Mga plastik nga basura nakita ug nakuha atol sa pagbaha niadtong Agusto 20, sa Barangay Bulacao ug Linao, human sa pagbundak sa kusog nga uwan.

Buot usab sa mayor nga sutaon gikan sa konseho ang pamaagi aron aduna nay Talisay City Environment and Natural Resources Office, ang Siyudad.

Kini aron maoy makatutok, niining problema sa pagproteher sa kalikupan, ilabi na sa kasapaan.

Libuan ang ningtabang sa clean-up drive, lakip na mga kawani sa city hall ug volunteers gikan sa nagkadaiyang sector ug ahensya sa gobyerno.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph