SUPORTADO sa Department of Agriculture (DA) 7 ang pag-ban ni Cebu Governor Gwen Garcia sud sa 100 ka adlaw sa pagsud sa imported meat sa Sugbo aron malikayan ang pagsulod sa probinsiya sa African Swine Flu.
Si Atty. Salvador Diputado, regional director sa DA 7, nagkanayon nga usa kini ka lakang aron maprotektahan ang hog farmers batok sa makamatay nga sakit sa baboy.
“She is empowered to do that under the Local Government Code. The intention is consumer and swine industry protection,” si Diputado nagkanayon.
Dugang niya nga usa kini ka pro-active nga lakang subay sa padayon pa karon nga giimbestigaran nga kaso sa pagkamatay sa mga baboy sa Rizal sa Luzon.
Apan hangtod karon, suspected lang gihapon kini ug di kompirmado nga ASF.
Ang Sugbo mao ang ikaupat sa nasod nga taas ang panginahanglan sa baboy hilabi na nga sa Sugbo nga anaa ang lamian nga lechon.
Giklaro hinuon ni Diputado nga ang Bureau of Animal Industry ug Bureau of Plant Industry inubanan sa Bureau of Customs mao ang mohimo sa inspeksyon sa moabot nga karne sa pantalan ug sa tugpahanan. (HBL)