SECTIONS
Thursday, September 19, 2019
SUPERBALITA CEBU

4 patay, 1 angol sa engkwentro sa Calbayog City

CALBAYOG CITY, Samar -- Upat ang patay ug usa ang samdan sa nahitabong engkwentro sa Philippine Army ug New People's Army (NPA) sa Barangay Olera, Calbayog City, Samar.

Ang engkwentro nahitabo alas 7 pasado sa buntag, Biyernes, Agusto 23.

Ang pinusilay sa duha ka kampo nilungtad og halos duha ka oras.

Duha ka NPA ang patay diha diha, samtang tulo ka sundawo ang nasamdan.

Gidala pagdali sa tambalanan ang mga sundawo nga samdan, apan duha sa tulo nga nasamdan ang gideklara nga patay.

Nasakmit sa kasundalohan ang duha ka M14 rifles nga gigamit sa mga NPA.

Sa una pa ang insidente, 7 ka mga NPA pingulohan ni Salvador Nordan alyas Badok o Gahi ang nihimo og extortion sa lugar.

Naabtan sa mga sakop sa 43 Infantry Battalion ang mga NPA hinungdan nagsugod ang pinusilay.

Ang Tactical Wing Central Philippine Airforce nipadala usab og air support sa lugar ug aron sa casualty evacuation.

Si Army Major General Pio Dinoso nasubo sa pagkamatay sa duha niya ka sakop ingon man sa NPA nga napatay gumikan sa pagkabiktima sa way hinungdan nga kawsa.

Nanawagan si Major General Dinoso sa mga NPA nga mokanaog ug mobalik na sa gobyerno ug andam sila mo tabang sa gusto mo tahan.

Apan kung dili maminaw, buhaton sa kasindalohan ang tanan mapugngan lang ang mga di maayong plano sa NPA.

Wala pa gibutyag sa Philippine Army ang pangan sa mga napatay nga sundawo gumikan kay unahon usa pagpahibawo ilang pamilya.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph