WCOPA medalist gikan Panabo, girekognisa

(Pinaambit nga hulagway)
(Pinaambit nga hulagway)

ANG world performing arts medalists gikan Panabo City nag-perform sa City Hall of Panabo, Agosto 5 ning tuig human niya madawat ang imbitasyon gikan ni City Mayor Jose E. Relampagos ug City Government of Panabo nga irekognisa siya sa iyang nakab-ot nga kalampusan.

Ang award-winning performers mga estudyante sa AQC Performing Arts Studio-Panabo Branch.

Naangkon sa Team Panabo City – Philippines ang Gold Medal sa Grand Finals for Modeling alang ni Karl Jade Ventura, Gold Medal-Senior Vocals (Semi-Finalist) kang Kharla Sofea Estolas, ug Gold Medal for Senior Vocal-Gold Medal (Preliminary) kang Crystel Jane Magno.

Nakabitbit sab sila og silver and bronze medals sa laing kategoriya.

Ang mayor, uban si City Administrator Pedrito A. Misoles, mihatag og certificates of commendation ug tokens sa mga medalists isip pahinungog sa ilang bonggang performance nga mihatag og dungog sa nasud atol sa 23rd World Championship of Performing Arts (WCOPA) niadtong July 12, 2019 hangtud July 23, 2019 sa Long Beach California, USA.

Ang kompetisyon giapilan sa gatusan ka mga talented individuals sa nagkadaiyang parte sa kalibutan.

Gihatagan sab og pag-ila ni Panabo City Mayor si Coach Anne Quitoriano-Casteel nga nanag-iya sa AQC Performing Arts Studio ug Davao Regional Director of the WCOPA-Philippines.

Si Crystel Jane Magno midawat og certificate of appreciation ug mikanta pa nga gidugok sa daghang palakpakan.

Samtang si Casteel midawat og certificates in behalf nila Karl Jade Clemente Ventura, Kharla Sofea Jara Estolas ug Talent Scout, Kareen C. Ventura.

Si Coach Ann Quitoriano-Casteel nagpasalamat sa City Mayor ug sa mga tawo sa maong pag-ila.

Ang WCOPA mao ang annual Olympic style international meet sa mga aspiring performing artists nga may kategoriya sa pagkanta, sayaw, acting ug modeling. (PR)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph