SECTIONS
Thursday, September 19, 2019
SUPERBALITA DAVAO

Grupo sa batan-on manghagad sex giukoy

MAGSAYSAY, Davao del Sur -- Giukoy na sa kapulisan sa lungsod ang grupo sa mga batan-on nga giingong nagapanghaylo og sex sa ilang mga miyembrong babaye.

Gibutyag ni Police Captain Jeffmar Tercero, hepe sa Magsaysay Municipal Police Station, nga makig-alayon sab sila sa mga tunghaan aron mapakgang ang maong grupo.

Sumala ni Tercero nga buot nilang makighinabi sa mga ginikanan aron makatabang sa pagpahimangno sa ilang mga anak nga likayan ang pag-apil-apil sa grupo o gang aron malikay sa disgrasya ang ilang mga anak.

Naalarma ang kapulisan human nahitabo ang pagpanunggab sa grupo sa mga batan-on ngadto sa duha ka mga menor de edad nga mibalibad nga magpatariki.

Hinuon, anaa na sa ilang kustodiya ang grupo ni Jan Michael Pakiwag Daweng, 18, kinsa maoy nag-unang suspek sa pagdunggab patay sa 16-anyos nga babaye samtang naluwas ang klasmeyt niini nga 15-anyos.

Nanaghap si Tercero nga aduna pay laing grupo sa lugar nga nagapanghaylo og sex sa mga miyembrong babaye sa grupo.

Giklaro niini nga dili “Sukarap Gang” ang maong grupo apan ila pang sutaon kon unsa ang ngalan sa grupo.

Dungan niini, nanawagan ang kapulisan sa mga ginikanan nga badlungon ang ilang mga menor de edad nga anak nga di maglatagaw panahon sa kagabhion.

Pahugtan sab sa kapulisan ang implementasyon sa curfew hours ngadto sa mga menor de edad aron masumpo ang posibleng himuong krimen. (Orlando B. Dinoy)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph