NAGPUNGASI nga nagpa-blotter sa Sta. Ana Police Station ang usa ka accounting staff human gibaklad sa iyang silingan, alas 7 sa gabii niadtong Huwebes, Agosto 22.
Saysay sa reklamante nga si Honey (bansagon gitago), 30-anyos, nagpuyo sa Mini Forest, Barangay 23-C, Isla Verde Davao City nga dihang naghubo na siya tanan sa iyang sapot ug nagsugod na sa pagpanglugod, nakurat nalang siya dihang dunay migimaw nga mata sa gamay nga bangag sa ilang banyo.
Wala suma pa nagdahom ang babaye nga dunay bangag ang ilang banyo maong kompiyansa kaayo siya nga naghubo.
Sa iyang kalagot, nakalimot siya og pamanti nga nagtapis nalang og nipis nga tualya dayon migawas sa banyo ug giadto ang lalaki likod sa banyo apan mikalit kini og dagan.
Samot na nga nauwaw ang biktima dihang sa iyang sige og yawyaw, nahubo ang tualya ug nakit-an siya sa iyang 55-anyos nga silingang panday.
Human sa hitabo, daling nagpa-blotter ang babaye sa Sta. Ana PNP kinsa gimandoan sa duty desk officer nga ipatawag ang mibaklad kaniya didto sa barangay aron didto sila mahusay.