SAMA sa naandan, mabulukon ang natigayong Pamulak sa Kadayawan 2019 Sabado, Agosto 24, diin mirampa ang mga nagkadaiyang float nga gama sa nagkadaiyang bulak og prutas nga sarang miabunda sa Davao City.
Nahimong champion sa Lahi/Alternative Category mao ang Tahawrog Tribe Marilog District Davao City, 2nd Place - 1 Ganap Guardians - GBHFI, 3rd Place - Guardians Philippines Anti-Crime International, Inc. diin ang Consolation Prize mao ang Bangka by JMA Team, Gasa by JMA Team.
Sa Small/Gamay Category Grand Champion ang Davao Crocodile Park and Zoo, 2nd Place - Palawan Pawnshop - Palawan Express Pera Padala samtang ang 3rd Place mao ang Teleperformance samtang Consolation Prize mao ang S&R Membership Shopping ug Frontrow.
Ang Big/Dako Category Grand Champion mao ang International Pharmaceutical Inc., 2nd Place ang Kisan Lun Lands and Development Inc., samtang 3rd Place - Cybercity Teleservice/iQor Company ug ang Consolation Prize mao ang Philippine Air Asia.
Nahimong champion sab ang Mugnapak Drum Beaters sa Pitik Kadayawan, diin ang 2nd Place niini mao ang Davao Drum Beaters Association, 3rd Place - Caraga Drum Beaters, 4th Place - Sta. Ana Performing Arts Guild ug ang 5th Place mao ang Kabilin Mindanao Cabantian.
Mga organizer sa maong kaugdahan nagpasalig nga sa mosunod nga mga katuigan, mas paninduton pa ug padakuon pa ang premyo sa Pamulak. (Jeepy P. Compio)