MAGUINDANAO PROVINCE -- Gipanawagan karon ni Maguindanao 2nd District Congressman Esmael “Toto” Mangudadatu kang Presidente Rodrigo Duterte nga ihunong una ang law enforcement operation sa Joint Task Force Central batok sa Bangsamoro Islamic Freedom Fighters (BIFF).
Sa sulat nga gipadala ni Mangudadatu sa Palasyo, iyang gipaabot ngadto kang Duterte nga liboan ka pamilya ang naapektuhan sa surgical strike sa militar sa SPMS Box, Liguasan Delta, lakip na utlanan sa Maguindanao ug North Cotabato.
Positibo nga dunay mga bakwit na ang nagkasakit sa evacuation center sa nasinatiang kainit sa panahon ug kalit sab nga pag-ulan.
Gikuwang na sab ang lokal nga panggamhanan sa suplay sa tambal ug pagkaon diin kinahanglan na nila ang tabang sa national government.
“Sobrang kahirapan ngayon ang nararanasan ng mga bakwit dahil pati pangkabuhayan nila, negosyo at mga pananim ay nasira ng kaguluhan,” dugang ni Mangudadatu.
Gawas sa paglutos sa BIFF naapektuhan sab ang mga bakwit sa nasinatiang pagbaha sa Maguindanao kon daghan kanila namakwit sab.
Gihangyo ni Mangudadatu si Presidente Duterte nga tahasan ang Moro Islamic Liberation Front (MILF) nga maghimo og diyalogo o malinawon nga negusasyon sa BIFF. (Edgar E. Fuerzas)