NAGPA-BLOTTER sa San Pedro Police Station ang usa ka lalaki kinsa mireklamo dihang nagunitan iyang kinatawo sa usa ka bayot sa pagdasok niya og tan-aw sa mga floats atol sa Pamulak sa Kadayawan, Sabado sa buntag, Agosto 24, sa San Pedro Street, Davao City.
Mipatala mao si Richard (bansagon gitago), 23, ulitawo, ug nagpuyo sa Barangay Matina Aplaya, Talomo District, Davao City.
Saysay ni Richard nga wala lamang niya panumbalinga nga giduot-duot na siya gumikan nasayod siya nga daghan og mga tawo nga iyang katupad nga nagtindog.
Apan hilabihan ang iyang pag-igking dihang gisagpo na sa bayot ang iyang kinatawo.
Dugang gisaysay ni Richard nga gilayon siyang miulpot dihang iyang nabati nga giayo na og sagpo sa bayot ang iyang kinatawo.
Gilayon sab nga mipalayo ang bayot kauban sa laing duha pa niini ka higalang bayot.
Igo nalang sa pagpatala si Richard sa San Pedro Police Station dala ang di malimtan nga kasinatian sa Kadayawan 2019.