SECTIONS
Sunday, September 22, 2019
SUPERBALITA CEBU

Editoryal: Maayo ra sa sugod

Editorial cartoon by Ariel Itumay

RIVER clean up drive, pagpanghawan sa mga sidewalk ug paglimpyo sa mga karsada sa mga sakyanan nga gipataka lang og park. Mao kini ang mga lakang nga gihimo na karon sa mga local government unit (LGU) human momando si Presidente Rodrigo Duterte sa miaging buwan.

Gihimo kining taming sa mga LGU sa ilang pagpanghawan ug pagpanglimpyo sa ilang tugkaran. Mosugot o di ang mga opisyal, mapugos sila kay nibahad ang Department of the Interior and Local Government (DILG) nga silutan ang mayor nga di motuman. Gitagalan gani sila hangtod sa sunod buwan sa pagtuman niini.

Sa tinud-anay lang, dugay na kaayo unta kining angay nga gipatuman. Apan gipasagdan sa mga LGU tungod kay usa kini sa ilang mga hinagiban panahon sa eleksyon. Mas daghang vendor, mas daghan ang mga botante nga makabig. Ang organisasyon ray dumbulon sa pulitiko. Matawag silang organized voters.

Ang pagpanakop sa mga sakyanan nga gi-park sa karsada napasagdan tungod kay bisan mismo ang mga barangay official nagtugot niini kay lagi, nahadlok sila sa political backlash sa ilang mga residente.

Karon, ang administrasyong Duterte nga naa na sa tunga-tunga sa iyang termino gusto nang wagtangon kining mga nakaali sa sidewalk ug karsada. Ang mga sapa gipalimpyuhan.

Kining tanang gibuhat karon sa nasudnong kagamhanan puro nalatid sa balaud. Apan wa kini mapatuman tungod sa kakuwang sa political will. Simple, nahadlok ang mga pulitiko sa negatibong epekto kon sila moestrikto sa pagpatuman sa balaud. Makuhaan ang ilang mga botante.

Kon ang tanang mga pulitiko duna pa untay political will ug maayo sa pagplano, kining kahimtang sa vendors, pagpatakag parking ug kahugaw sa kasapaan, di unta kini mahitabo. Hinaut pa nga kining nasugdan karon, di mahisama sa kanunay nahitabo, maayo lang sa pagsugod.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph