SECTIONS
Monday, September 16, 2019
SUPERBALITA CEBU

Kontraktor ‘daghan og mga kalapasan’; trabaho sa edipisyo gipahunong sa Dole

GIISYUHAN na sa Department of Labor and Employment (DOLE) 7 og work stoppage order ang kontraktor sa usa ka project site sa Dakbayan sa Sugbo human tipik sa gimasa nga semento natagak sa karsada nga nakaigo sa pipila ka mga sakyanan niadtong Agusto 20.

Ang project site anaa mahimutang sa Archbishop Reyes avenue, Brgy. Kamputhaw, Cebu City.

Base sa pakisusi sa Dole, nangahulog ang minasa nga semento gikan sa 31st floor sa construction site nga nakaigo sa walo ka pribado nga mga sakyanan.

“Apparently, this was the reason why some concrete cement debris fell down and hit directly the private vehicles stalled near the project site that were only waiting for the go traffic signal,” matod ni Dole 7 Regional Director Salome Siaton.

Ang proyekto usa ka 32-storey nga building. Nagdumili una paghatag ang Dole 7 sa ngan sa proyekto.

Base sa occupational safety and health investigation sa labor inspectors sa Dole 7, kuwang sa debris catchers ang project site.

“Mabuti na lang at walang na-injured but the incident dented those vehicles and cracked the wind shields,” si Siaton nagkanayon.

Matod ni DOLE Tri-City Field Office head Emmanuel Ferrer, tulo ka labor inspectors ang dali nilang gipadala sa dapit diin giisyuhan dayon kini nila og WSO.

Dugang ni Ferrer nga way structural analysis, methodology o safety work procedure ang ilang gihimo nga pagbuhos og semento.

Kuwang usab og barricades ang gipamutang halos sa tanang floor sa building.

Nasayran usab nga wa silay napakita nga safety officer 3 ug occupational health nurse sa construction site.

Lakip sa ilang kalapasan ang kakuwang sa certificate of testing para sa tower crane ug alemak.

Lakip nga wa silay maipakita nga TESDA NC II Certificate alang sa ilang heavy equipment operators. Wa usab sila’y incident o accident report nga natunol sa Dole 7.

Ubos sa General Labor Standards, nakalapas usab kini sa dili saktong pagsweldo sa mga trabahante, wa nagbayad sa regular holiday pay, walay nag-remit sa Social Security System (SSS), Philhealth, ug Pag-ibig.

Lakip na nga way record sa payroll ug sa daily time records (DTR). (HBL)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph