SECTIONS
Monday, September 16, 2019
SUPERBALITA CEBU

4 patay sa engkwentro

CALBAYOG City, Samar -- Upat ang patay ug duha ang samdan sa engkwentro tali sa Philippine Army ug mga rebeldeng New Peoples Army (NPA) sa Barangay Olera ning dakbayan niadtong Biyernes sa alas 7 sa buntag, Agusto 23, 2019.

Lakip sa napatay ang usa ka opisyal sa kasundalohan.

Ang pinusilay tali sa duha ka mga kampo nilungtad og halos duha ka oras.

Duha ka mga NPA ang patay diha diha samtang tulo ka mga sundawo ang nasamdan.

Gidala pagdali sa tambalanan ang mga sundawo nga samdan, apan duha sa tulo gideklarar nga patay.

Ang mga sundawo nga nakalas mao sila si 2nd Lieutenant Geroe Jade Nicor ug Corporal Joel Canico. Nasakmit sa kasundalohan ang duha ka mga M14 rifle nga gigamit sa mga NPA.

Sa wa pa ang insidente, pito ka mga NPA pinangulohan ni Salvador Nordan, alyas Badok o Gahi, ang nihimo og extortion sa lugar. Naabtan sa mga sakop sa 43rd Infantry Battalion ang mga NPA hinungdan nahitabo ang pinusilay.

Ang Tactical Wing Central Philippine Air Force nipadala usab og air support sa lugar ug aron sa casualty evacuation.

Si Army Major General Pio Dinoso nasubo sa pagkamatay sa duha niya ka mga sakop ingon man sa NPA nga napatay gumikan sa pagkabiktima sa way hinungdan nga kawsa.

Nanawagan si Dinoso sa mga NPA nga mokanaog ug mobalik na sa gobyerno kay andam sila motabang sa gusto motahan. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph