SECTIONS
Monday, September 16, 2019
SUPERBALITA CEBU

Liquor ban gimando ni Labella

SI CEBU City Mayor Edgardo Labella nimando sa Cebu City Police Office (CCPO) sa pagpatuman sa City Ordinance 1929 nga magsilot sa paghuboghubog sa publikong mga lugar atol sa pagpahigayon sa Pasigarbo sa Sugbo sa Dominggo, Agusto 25, 2019.

Ang pagpatuman magagikan sa alas 12 sa udto sa Dominggo hangtod sa tungang gabii, sa tibuok pagpahigayon sa kalihukan.

Matod ni Labella nga ang Siyudad nagpaabot og daghang mga bisita aron pagsaksi sa kalihukan.

Importante sa mga tawo nga magpuyo ug magbinuotan aron way kagubot nga mahitabo.

“We are expecting so many people for the celebration. If there are many people and (some) might be drunk, they might misbehave,” pagpasabot ni Labella.

Sa iyang suwat kang CCPO Director Police Colonel Gemma Vinluan, gihangyo sa mayor ang pagdakop sa mga makalapas sa ordinansa.

Gipaneguro ni Labella nga ang Siyudad nag-andam na og mga lakang alang sa seguridad ug emerhensya nga magbutang sa Siyudad sa Sugbo sa kaluwasan atol sa tibuok kalihukan.

Iya usab nga giawhag ang mga kapitan sa Guadalupe, Capitol, Sambag 1, Sambag II, ug Calamba sa pagpakatap sa ilang mga barangay tanod aron moabag sa kapulisan, ingon motabang sa pagpahapsay sa dagan sa trapiko atol sa parade ug ritual showdown.

Ipahigayon ang Pasigarbo sa Sugbo sa Cebu City Sports Center, nga gipaabot nga apilan sa 44 ka mga siyudad ug lungsod sa lalawigan sa Sugbo.

Ang parade sugdan sa alas 2 sa hapon ug gipaabot nga mahuman sa alas 2 sa kaadlawon sa Lunes, Agusto 26. (JJL, dugang taho ni REV)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph