NIADTONG Hunyo 8 ning tuiga, sa dihang gibisitaha ni Presidente Rodrigo Duterte ang iyang amigo nga si Pastor Apollo C. Quiboloy, usa ra ang gireklamo sa pastor ang iyang kaatbang nga nagdala og relihiyon apan wa’y simbahan ug nangayo og donasyon aron ikapital sa negosyo, kini mao ang
Kapa-Community Ministry International, Inc. kon Kabus Padatuon (Kapa).
Tuod man, pagka-ugma gisugdan gilayon sa presidente pagmando ang Criminal Investigation and Detection Group (CIDG) ug National Bureau of Investigation (NBI), dayon gisugdan sa pagpang-ronda ang mga opisina sa Kapa ug gipangtak-upan, partikularmente sa mga daw uhong nga mga nanurok diha sa Davao del Norte.
Sa maong higayon, wala pa’y bisan usa nga nagreklamo nga wala naka pay-out. Apan sa dihang gisirad-an ang Kapa bisag wala sila tanduga nagsunod-sunod sa pagpanak-op ug ang uban milayas dala ang mga minilyon nga kwarta.
Ang maong mga kuwarta gikan tawon sa nangiyawat nga mga pobre ang pagbaligya ug pagprenda sa ilang kabtangan aron lang i-invest, pero dimalas kay sarado na ang opisina ug dina makita kay gilayas nga sa mga nagdumala.
Karon, dunay nagpabilin nga Rigen Wellness Marketing nga gibuangan sa mga tawo nga naka-invest, magsige'g post sa social media nga di daw mabalaka kay i-uli sa ila ang ilang capital, nagsaad og Agusto 15. Nagbaha ang mga tawo sa pamasin nga bisan og capital nalang ma-uli sa ila pero ang mga pangalan nga gitawag kadtong wala diha.
Tawon ang mga tawo naglurat ang mga mata nga naghulat nga ma-refund walay ni usa nga gitawag atol sa ilang giingong adlaw sa pag-uli sa capital.
Duna sab nagsulti nga ang gi-refund P5,000 bisan og pila pa’y kantidad sa imong na pay-in P5,000 ra gyud ang i-uli sa imo.
Hinaut unta nga dili tinuod kining atong nabati nga wala na'yy kuwarta nga ika-uli ngadto sa mga nag-invest, kay gi-unay sila og prito sa ilang kaugalingong mantika.
Migawas ang hungihong, nga matud pa kuno, ang kuwarta nga ilang gi-pay-in mao ra’y gipalit sa ilang boto mao nga ning daug ang mga kandidato sa milabaye nga eleksyon, hinaut nga intriga lang ni ug dili tinuod ang nahitabo diha sa Davao del Norte, tungod kay politiko daw ang tag-iya sa Rigen.
Kung mao na, gi-uli na ang kuwarta sa inyo pinaagi sa pagpalit og boto ug mitabang pa gyud ang mga nag-pay-in nga taga Davao nga nadala sa ratsada, kini ang masakit nga kamatuoran.
Gani, kaniadto walay krimen ang Tagum City sa wala pa mabulabog, pero karon daw, uso na ang patay. Ang gipamatay, halos mga agent kon ahente nga nangomisyon lang intawon.
Natural sila gyud ang pahimungtan sa mga nag pay-in kay sila may kanunay nga nagkombinsi sa mga gustong mag-invest, nan karon ang mga scammers ilang gisakyan ang pagpahunong sa KAPA bisan og wala sila'y labot para maoy hinungdan aron sila maka-iskapo ug mawala ang ilang tulubagon sa sa mga liboan ka mga tawo nga nangapital aron mutobo ang ilang sapi.
Walay kumo sa pagpaningkamot nga maghago kita ug aron mo-asenso ang atong panginabuhi piaagi sa pagpatulo og singot, apan kining nahitabo karon ibutang nalang kini nato nga kabahin sa atong kasinatian, nakat-on kita sa daghang mga butang niining mga money investment schemes.