COTABATO CITY –- Napasar na sa unang higayon ang bandila sa Bangsamoro Autonomous Region in Muslim Mindanao (BARMM) sa gihimo nga first regular session sa Bangsamoro Transition Authority o BTA.
Milingkod nga presiding officer mao si BTA member Attorney Omar Sema.
Matud ni Sema ang bandila sa bag-ong namugna nga BARMM dunay taas nga sugilanon sa mga Moro sulod sa upat ka dekada nga pakigbisog sa gobyerno.
Naglakip kini sa lima ka mga probinsiya sa rehiyon. Kini mao ang Maguindanao, Lanao del Sur, Basilan, Sulu ug Tawi-tawi kauban ang duha ka mga lungsod ug 63 ka mga barangay gikan sa North Cotabato.
Si Sema gitudlo nga magsilbing presiding officer tungod sa hangyo ni BTA Speaker Attorney Peke Balindong nga adunay bililhon nga gitambungan.
Giklaro sa opisyal nga kini subay sa Cabinet Bill number 7 nga gipalig-on isip balaod o sa BTA Act.
Ang numero uno nga tumong sa pagpahiangay sa bandila ug pag-uyon magsimbolo sa bag-ong natukod nga rehiyon sa Bangsamoro. (Edgar Fuerzas)