SECTIONS
Thursday, September 19, 2019
SUPERBALITA DAVAO

2 patay sa tipdas sa Mati City

DAVAO. Makita ang mga personahe sa City Health Office sa Mati City nga mipahigayon og immunization sa Barangay Don Salvador Lopez, Mati City, Biyernes, Agusto 23. (Hulagway gikan sa Mati City Information Office)

DUHA ang namatay sa 24 ka mga nagka-tipdas sa Purok Gemelina sa Barangay Don Salvador Lopez sa Mati City, Davao Oriental, diin ang mga namatay pulos tag usa ka tuig.

Gikan pa niadtong ulahing semana sa Hulyo, nataho nga dunay kaso sa tipdas sa maong lugar diin sa 24 ka mga pasyente duha lang niini ang nadala sa ospital.

Sa 24 ka kaso, 22 niini giingong miyembro sa usa ka relihiyusong grupo kinsa giingong supak sila sa pagpatambal.

Ang City Health Office (CHO) nagtaho nga dunay 5,000 ka mga indibidwal ang nagpuyo sa nasampit nga barangay.

Moihap sa 483 ang nagpuyo sa Purok Gemelina diin 78 ka mga molupyo ang giingong sakop sa relihiyusong pundok.

Tungod niini, ang MGA CHO personnel nagpahigayon og immunization sa nasampit nga barangay niadtong Biyernes, Agusto 23, apan bisan usa ka miyembro sa maong religious group ang wala nagpa-immunize o nagpatambal.

Ang CHO sa Mati City nagpadayon sa pag-monitor sa apektado nga lugar aron dili mokatap ang maong impeksyon.

Anaa sa 5-anyos paubos ang sagad maigo sa maong virus, dili lamang sa Pilipinas apan sa tibuok kalibutan. (PR)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph