GIBALHOG sa prisuhan ang step father human gi-akusahang nanglugos sa 14 anyos nga step daughter niini sa lungsod sa Medina, Misamis Oriental.
Ang biktima ug pangalan sa suspek gipiling itago ang bansagon.
Niadtong Agusto 22, 2019 usa ka magtutudlo sa usa ka national high school sa lungsod sa Medina ang nagpatabang sa kapulisan.
Kini human iyang tinun-an nga 14 anyos nga dalagita nitug-an nga siya gilugos sa iyang step father nga unang nahitabo niadtong Disyembre 2018 kon asa gihilam ang iyang mga pribadong parte sa lawas nga naghatag og tumang kahadlok sa biktima.
Niadtong tungora gipalabay lang kini sa dalagita apan nasundan ang hitabo niadtong Agusto 17 ning tuig nga wala na maagwanta sa biktima gitug-an sa maestra.
Gilusad dayon sa kapulisan ang manhunt operation ug nadakpan ang ama-ama niini nga karon gibalhog na sa prisuhan.
Desidido ang biktima nga pasakaan kini og kasong pagpanglugos.