MISANDIG ang 1994 Bulldogs sa double double performance ni Sigmund Cabrera aron buntogon ang 1992 Little Rascals, 66-55, sa nagpadayon nga University of San Carlos North Alumni Basketball Club 2019 Mayor’s Cup Division I niadtong Sabado, August 24, sa USC North Campus gym sa General Maxilom Avenue, Cebu City.
Sa Seniors Division, gilupig sa Batch 1987 Bros ang 1982 Golden Warriors, 65-56.
Si Rodrigo Tindugan kinsa maoy nahimong sentro sa opensa mitapos sa duwa nga may 19 puntos, lima ka rebounds ug upat ka assists.
Sa laing duwa, gimasaker sa 2013 District and 2007 Waybus, 107-58.
Si King Osabel nangulo sa kadaugan. (JBM)