AGI’G pagpasalamat giduaw ni Tyra Goldman, 18 ang mga Olangohanon human nga iyang nakuha ang korona isip Mutya Pilipinas Tourism International 2019.
Mainitong gihangop sa mga taga-isla sa Olango, dakbayan sa Lapu-Lapu niadtong miaging semana ang pagtaak sa beauty queen sa yutang natawhan sa iyang inahan nga si Mehlca Villamor Florito, lumad nga taga-Barangay Baring, Olango.
Ang tinun-an sa Bachelor of Science in Biology sa Cebu Velez College misaad nga pinaagi sa iyang titulo maka-abag siya nga mapalapdan nga mahimo pang inila ang isla sa ubang dapit aron nga agnihon ang mga turista sa pagduaw sa Olango aron ilang matagamtaman o masuwayan ang hiyas niini wa dili igkita sa ubang lugar.
Advocacy ni Goldman mao ang pagtunol og abag niadtong jobless ilabi na nga ang pagpanarbaho maoy paagi nga mahaw-as sa kalisod ang usa ka tawo lakip na ang ilang pamilya. (Teteth Mata)