SECTIONS
Thursday, September 19, 2019
SUPERBALITA CEBU

Ex-convict gipusil, patay

USA ka 47-anyos nga kanhi priso ang gipusil-patay sa upat ka mga wala mailhing tawo nga nagsakay og motorsiklo sa Sitio Centro, Barangay Tingub, dakbayan sa Mandaue niadtong Sabado, Agusto 24, sa hapon.

Si Police Staff Sergeant Richard Cabello, investigator-on-case, niila sa biktima nga si Erek Jay Limutan, naila nga “Danny”, kinsa nabalhog kanhi sa New Bilibid Prison sa Muntinlupa City sa kasong pagpanulis.

Si Cabello nagkanayon nga si Limutan gikataho nga nakagawas sa prisohan sayo ning tuiga.

Sumala ni Cabello, ang biktima nagkaon sa siomai stall duol sa Tingub barangay hall dihang gipusil sa iyang luyo sa mga tawo nga nagsul-ob og g bonnets, nianang alas 5:30 sa hapon sa Sabado.

Dugang ni Cabello, si Limutan nakaangkon og 14 ka samad pinusilan sa lainlaing bahin sa iyang lawas ug gideklarar nga dead-on-arrival sa usa ka ospital.

Matod ni Cabello, gikonsideras sa kpaulisan ang daghang anggulo sa motibo sa pagpatay sa biktima.

“We still have to dig deeper in the investigation. We have to double check his background. Maybe his perpetrators are just someone from his previous group, or if he had gotten into a conflict after his release,” matod ni Cabello.

Sumala sa usa ka kapuyo sa biktima, si Limutan nag-usab na human nakagawas sa bilanggoan.

Si Limutan nagtrabaho isip service driver sa Barangay Tingub ug part time drayber sa habalhabal.

“We are still processing our request. Although there were no security cameras in the actual crime scene, we are still looking on the possibility that a security camera..." dason ni Cabello. (WBS)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph