KON orihinal nga dunay sertipikasyon gikan sa Department of Energy (DOE), ang mga mamaligyaay sa dakbayan sa Sugbo pwede makabaligya og butane sulod sa mga merkado.
Giklaro sa Ang DOE ug Bureau of Fire Protection ilegal o wala gitugot kadtong refilled canister para masiguro ang kaluwasan sa publiko.
Ang Cebu City Legal Office (CCLO) pinangulohan ni Atty. Rey Gealon nipadayag nga walay babag sa pagbaligya sa usa ka vendor kon aduna siyay pagtugot nga makuha gikan sa duha ka mga ahensiya sa gobyerno.
Una niini, si Market Administrator Jonil Matuguina nakadawat og suwat gikan sa usa ka vendor sa T. Padilla Public Market kinsa nananghid sa iyang buhatan nga mobaligya siya og butane.
Sa legal opinion sa buhatan ni Gealon, gihulagway niini nga delikado ang pagbaligya sa mga butane hinungdan nga labing maayo nga masusi kini sa mga eksperto sa dili pa ibaligya sa merkado.
“Butane being a highly flammable and pressurized gas it is possible that it may explode if exposed to extreme heat or used impropertly," dugang ni Gealon, kinsa nibutyag nga usa kininsa mga hinungdan sa mga sunog kaniadto dinhi sa Sugbo.
“With the grave danger it poses, it is the opinion of this office that butane gas should not be sold in public markets of the Citu of Cebu unless proper safeguards are first complied with and undertaken by the applicant,” pasabot sa City Attorney.
Ang pagpamaligya og butane kaniadto sa merkado sa T. Padilla nahimong kontrobersiya dihang tulo ka mga tawo ang nadakpan sa kapulisan ug dihang napriso na kini, gipagawas ni kanhi Mayor Tomas Osmeña, kinsa nag-atubang og kaso sa Ombudsman.
Ang stove nga nigamit og butane canister dili haom sa dugay dunay o daghang pagluto human risgo kini nga motibo tungod sa tumang kainit.
Sagad sa stove nga mogamit og butane mao kadtong mag-outdoor camping.
Tungod sa daghang kaso sa sunog nga nagsumikad sa pagbuto sa butane canister, ang kagamhanan nipautman sa hugot o estrikto nga polisiya sa paggamit niini.
Hinuon, padayong gitugot sa kagamhanan ang pagbaliya sa butane canister apan ubos sa higpit nga polisiya. (PAC)