SECTIONS
Thursday, September 19, 2019
SUPERBALITA CEBU

Mga pay parking street sa dakbayan sa Sugbo gipa-reevaluate sa konseho

GIAWHAG sa Cebu City Council ang Cebu City Transportation Office (CCTO) pagsusi ug pag-evaluate sa pay parking streets gumikan sa awhag ni Presidente Rodrigo Duterte nga hawanan ang mga karsada gikan sa obstruction o babag.

Si Konsehal Phillip Zafra, chairman sa committee on public order and safety sa konseho, nagkanayon nga adunay mga gagmay nga karsada sa dakbayan nga gihimong pay parking zone ug mao na hinuon ang nakamugna og kahuot sa dagan sa mga sakyanan.

“Atong nakita nga adunay mga hagip-ot kaayong dalan gihimo gihapon nga pay parking area. Imbis moluag ang trapiko nisamot na hinuon kahuot,” padayag ni Zafra.

Ang konsehal sa south district nagkanayon nga sulod sa dugay nang panahon, ang mga karsada hilabi na sa downtown area gihimo na kining parking areas ug sa tan-aw ni Zafra dili na kini mohaom sa bag-ong panahon gumikan sa pagdasok na sa mga sakyanan karon.

Ang CCTO pinangulohan ni Executive Director Ricardo Barandog maoy mohimo sa re-assessment ug re-evaluation sa tanang pay parking streets sa siyudad.

Sila sab ang mohimo og recommendation kon unsay angay buhaton sa mga pay parking areas nga nakahatag og kahuot sa dagan sa mga sakyanan hilabi na sa peak hours sa tingklase. (PAC)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph