GIPABALO nga mangalay ang pagproseso sa Unified Multi-purpose Identification (UMID) cards nga aplikasyon sa mga miyembro nga nadawat sa Social Security System (SSS) sugod niadtong Hulyo 30, 2019 tungod sa pagkadaut sa Central Verification System (CVS).
Ang CVS operation nahunong tungod sa iyang hard disk failure.
Ang CVS ubos sa pagdumala sa Philippine Statistics Authority (PSA) sa paghimo sa biometric uniqueness check alang sa UMID applicants.
Ang PSA naningkamot na nga mabalik sa labing daling panahon ang CVS aron mapadayon pagproseso ang daghang aplikasyon sa UMID.
Ang SSS moluwat dayon og pahibalo kon maayo na ang CVS sa PSA.
Sa dugang pangutana, mahimong mobisita sa labing duol nga buhatan sa SSS o kontak sa SSS Media Affairs Department, 7th floor SSS Building, East Avenue, Diliman, Quezon City (02) 9206401 local 5050, 5052-55, 505. (PR, RRM)