Haya, disko idili sa dan: Tumulak

NIAWHAG ang Cebu City Council sa publiko ug mga lider sa barangay nga dili na motugot og haya sa patay ug disko nga mokuha og parte sa dalan.

Si Cebu City Councilor Dave Tumulak, niduso og resolusyon, nag-awhag nga ang publikong dalan dili pahigayonan og mga pribadong kalihokan lakip sa mga piyesta, haya ug uban pa.

Si Tumulak nihangyo sa mga opisyal sa mga kapilya nga duol sa dalan nga dili okupahon ang dalan sa ilang kalihokan.

“As we have observed, we can see some holds wake beside the roads which causes risks, not only to the one attending the wake, but also to the motorists. It also caused traffic,” matod ni Tumulak sa interview SunStar Cebu.

Sa iyang resolsyon, si Tumulak nisaysay nga dul-an sa 1.35 milyunes ka mga tawo ang mamatay matag tuig tungod sa aksidente sa dalan.

Gihangyo usab niya ang mga barangay kapitan sa 80 ka mga barangay sa dakbayan sa pagtabang sa pagpatuman sa balaud ug mando ni Presiden te Rodrigo Duterte sa paghawan sa kadalanan.

Usa sa solusyon ni Tumulak mao ang pag-aprobar sa konseho sa pagtukod og hayaanan sa mga pinili nga barangay.

Si Tumulak nag-awhag sa mga kapitan sa pagsumiter sa ilang plano ug budget aron maapil sa annual budget. (JLL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph