SECTIONS
Sunday, September 22, 2019
SUPERBALITA CEBU

30-anyos gigabas sa kainom

Hulagway gikan ni Police Lieutenant Isidoro Anceto

CULABA, Biliran - Patay ang usa ka construction worker human gigabas sa iyang kainom, pasado ala una sa hapon, Dominggo, Agusto 25, 2019.

Ang krimen nahitabo sa panimalay sa suspek sa Barangay Bool East, Culaba, Biliran.

Giila ang biktima nga si Eduardo Rosquitos, 30, construction worker, nagpuyo sa samang lugar.

Samtang ang suspek mao si Roger Paje, 48, chainsaw operator, nagpuyo sa samang lugar.

Base sa pagsusi sa kapulisan, ang suspek ug ang biktima uban sa usa ka Edgardo Cañete ang nag-inom sa gawas sa balay sa suspek.

Nagsugod ang panag-inom sa tulo nianang alas 8 pasado sa buntag ug nahuman nianang pasado alas 12.

Nanud sa balay sa suspek ang biktima ug ang usa ka kauban ug gumikan sa kahubog, nangatulog kini sa sawog.

Nasayran nga lain og nilihokan ang suspek kung mahubog.

Nikuha kini og chainsaw ug kalit giataki ang biktima kinsa hinanok ang pagkatulog.

Nakaangkon og nagkadaiyang samad sa lawas ang biktima ug giingong diriyot maputol ang ulo niini.

Swerte nga nakadagan ang usa ka kauban gikan sa crime scene.

Nasikop ra usab sa kapulisan ang suspek ug gidala sa stasyon samtang gihan-ay ang mga papeles sa pagpasaka og kaso.

Gisusi pa usab kung dunay laing hinungdan nga gipatay niini ang biktima. (JKDP)


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph