MANILA -- Mga manlalangoy sa Davao City mipakita'g aksiyon,sa Batang Pinoy 2019 National Championships sa Puerto Princesa, Palawan kagahapon, Agosto 26.
Sila Lora Micah Amoguis ug Pietro Dominic Requiza milangoy og bulawan sa tagsa-tagsa nila ka dibisyon sa Ramon Mitra Sports Complex.
Si Amoguis, 13, sa The Abbas Orchard School, mioras og duha ka minutos ug 32.28 segundos aron manguna sa girls 13-15 200-meter individual medley (IM) event kontra Cotabato Province's Jie Angela Mikaela Talosig ug Laguna Province's Roz Ciaralene Encarnacion nga mihuman sa ikaduha ug ikatulo.
Si Talosig mioras og 2:33.25 aron makuha ang silver samtang si Encarnacion (2:33.27) miangkon sa bronse sa duwa nga may 16 ka entrante.
Si Requiza, sa iyang bahin, mirehistro og 1:01.77 aron mabulsa ang boys 12 ug under 100m freestyle gold, samtang si Troy Castor (1:01:77) sa Negros Occidental miani og silver. Si Rain Andrei Tumulac sa Davao del Norte (1:04.50) mikuha og bronse.
Ang manghud ni Amoguis nga si Liaa Margarette miharus sab og silver sa girls 12-under 200m IM ug bronze sa 100m butterfly.
Si two-time Palarong Pambansa gold medalist ug girls secondary 800m freestyle record holder Juliana Marien Villanueva mipupo og silver sa samang event sa girls 13-15 samtang si Ivo Nikolai Enot may bronse sa boys 13-15 50m backstroke.
Sa beach volleyball, ang D'artagnan Yambao-coached girls team midaug kontra Tanawan, 21-15, 21-15. Makaatbang sab nila ang Mandaluyong sa alas 9 a.m. karong Martes, Agosto 27.
Apan ang Davao miyukbo sa Negros Occidental, 13-15, 25-19, 10-15, sa girls indoor volleyball.
Napakyas sab ang Dabawenyo sa pag-abot sa finals sa boys and girls 800m run nga gipangunahan nila James Bryle Ballester sa Laguna Province ug Lheslie De Lima sa Camarines Sur.