Final 12 sa Gilas gihikyad ni Guiao

NAPORMA na ang Final 12 sa Gilas Pilipinas nga mokombati sa 2019 FIBA Basketball World Cup nga sugdan karong Agusto 31 sa China.

Gibutyag ni national coach Yeng Guiao ang Final 12 human sa ikaduhang tune-up game sa Gilas Pilipinas niadtong Dominggo sa Meralco Gym diin nabawsan sila sa Australian squad Adelaide 36ers, 85-75.

Ang Final 12 pangulohan nila ni naturalized player Andray Blatche, JuneMar Fajardo, Japeth Aguilar, Roger Pogoy ug Gabe Norwood.

Naa sab sa team sila si Paul Lee, Mark Barroca, Raymund Almazan, Tory Rosario, ang bag-o lang nakabalik nga si Keifer Ravena ug ang duha ka rookies nga sila si Mo.1 pick CJ Perez ug No.3 pick Robert Bolick.

Nangataktak gikan sa national training pool mao sila si Beau Belga, Poy Erram, ug Matthew Wright. Sila si Erram ug Wright nangaangol atol sa training sa national team.

“Of course, yung overall yung nakita natin, from the first day of Gilas practice to the last day, which is the decision time,” matod ni Guiao kabahin sa kon unsa’y iyang gibasihan sa pagpili sa Final 12 nga napatik sa Spin.ph.

“Nag-factor din diyan yung health din ng mga players, nag-factor din diyan yung cohesion that they provide with the rest of the team. Mahirap actually. Ilang araw na namin pinag- uusapan yan. Of course there were also circumstances that played into the decision making.”

Ang Final 12 unang gipakita ni Guiao sa Samahang Basketbol ng Pilipinas (SBP) hierarchy nga gipangulohan nila ni Chairman Emeritus Manny V. Pangilinan ug President Al S. Panlilio aron pormal nga maaprubahan.

“They would not have gotten this opportunity if it were not for the sacrifices of all the players, coaches, and staff that helped along the way throughout the FIBA Asian Qualifiers,” pamahayag ni Panlilio.

“This is your Gilas Pilipinas and they’ll do their best to represent the 100 million Filipinos and promote the Philippine brand of basketball on the world stage.”

Sa laing bahin, gipasabot ni Guiao nga nakadayeg sa gipakitang duwa ni Ravena bisan sulod sa 18 ka mga buwan kini nga wala nakapakita og aksyon tungod sa suspensyon sa FIBA.

“I’m satisfied. It’s his first game but it’s already impressive,” matod ni Guiao kabahin sa gipakitang duwa ni Ravena. (ESL)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph