USA ka buwan human sa iyang split decision nga kapildihan batok kang Filipino boxing icon Manny Pacquiao, nagkanayon si American Keith Thurman nga nahibalik na iyang kadasig ug gipasalig niyang bangis siyang mobangon gikan sa kapakyasan.
Ang kapildihan maoy labing unang naangkon ni Thurman, kinsa nahagbong sa 29-1, 22KOs nga rekord.
“At the end of the day, it was and still the biggest fight of my career and on the biggest platform,” matod ni Thurman sa interbyu sa www.boxingscene.com.
“We fought a legend and I lost to a legend. I’ve always said I’m not afraid to lose my ‘0.’ Keith Thurman is still living the dream every time he steps into the ring.”
Giangkon ni Thurman nga sakit alang kaniya ang maong kapildihan, gani iyang gitataw nga pagkahuman sa away, nagtuo siyang maangkon niya ang kadaugan.
Hinuon gitataw ni Thurman nga iya nang nadawat ang kapildihan ug determinado siyang mobawi sa umaabot.
“This whole month has been a digesting process, you know,” pasabot ni Thurman.
“I mean, truthtfully, I didn’t feel like I lost in the moment. Two judges saw Manny Pacquiao win. With millions of people watching, there’s only three people who matter and those are the judges. They saw it for Manny Pacquiao.”
Matod ni Thurman nga iya na lang pahimuslan ang leksyon nga iyang nakat-unan sa pagpakigbatok sa usa sa labing maayong boksidor sa tibuok kalibutan sa tanang panahon. (ESL)