SUPERBALITA CEBU

Lonzon: Sen. Bato dela Rosa gisaway

Mata sa agila

ANGAYAN lang santakuhon sa katawhan si Senador Bato de la Rosa gumikan sa iyang paglaban ni kanhi Calauan mayor Antonio Sanchez.

Kay dakong kauwawan sa kaugalingon ni dela Rosa ang pagpabor sa pagawas sa bilanggoan si Sanchez.

Matod pa sa iresponsabling pamahayag sa senador tagaan og laing kahigayunan alang sa pag bag-o ang konbiktado.

Kini dakong sukwahi ang pamahayag ni dela Rosa sa kampanya batok sa problema sa ilegal nga drugas nga daghang nangamatay.

Natagaan ba nila og higayon ang pobreng durugista aron lang makapalit og bugas nga napatay sa kapulisan?

Kon ila pang gipriso ug unya nag usab sud sa bilanggoan maoy haom ug angayan tagaan ug laing kahigayunan.

Si Sanchez nakonbekto sa kasong pagpatay ug paglugos sa estudyante ug sa uyab niini.

Samtang sa iyang pagka priso sud sa Bureau of Correction tungod sa maong kaso nakuhaan pa og daghang shabu.

Unsa gud ni nga matang sa pagka senador si dela Rosa? Morag wa may maayong paminsar ug pagbalanse sa kontrobersyal nga isyu?

Sa dihang hepe kini sa Philippine National Police (PNP) ang senador sigig hisgot og pagpatay ug nagkondinar sa mga nangamatay.

Karon si Presidente Rodrigo Duterte nimando sa Secretary sa Department of Justice ug sa Bureau of Correction sa di pagpagawas ni Sanchez.

Ang kanhi mayor nakonbikto niadtong 1995, diin gipapriso siya sa iyang tibuok kinabuhi sa kasong paglugos ug pagpatay nga giatubang pag tuig 1993.

Namansahan ang pangan ni dela Rosa kay nagduda ang katawhan sa kadato ni Sanchez naka binipisyu ang senador.

Kay sa pag retiro ni dela Rosa isip hepe sa PNP siya maoy gitudlo sa Presidente nga lider sa Bureau of Correction.


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph