Super Lami Extra: ‘All-isda’ sa Tuna Republik

Tuna paksiw.
Tuna paksiw.

KON mahiligon ka og isda ilabi na og tuna, adunay bag-ong kan-anan sa MV Patalinghug Ave., Barangay Basak, dakbayan sa Lapu-Lapu.

Ang Tuna Republik maoy bugtong kan-anan nga nabisita sa #SuperLamiExtra team nga nag-serve og all-tuna sa ilang menu.

“Healthy ang tuna especially for those mga senior citizen nga naglikay sa pork. Kami diri, no pork, no chicken,” ni Marilyn Moreno, usa sa mga tag-iya sa Tuna Republik.

Matod niya, ang ilang tuna gikan pa sa General Santos City, ang tuna capital na nasod.

Gawas sa lamian ug barato ang ilang mga sud-an, presko sab kini tungod kay regular silang hatdan og isda sa ilang Gen San supplier.

Matod ni Moreno, ang unang branch sa Tuna Republik natukod sa San Francisco, Agusan del Sur niadtong Hunyo 2016. Ang branch sa Lapu-Lapu maoy ika-13 nga branch ug ikaduha sa Kabisay-an.

Target nila karong 2019 nga mamahimong 15 ka branches na unya sila. Moabli ang Bacolod City branch karong Septiyembre 8.

Sa Sugbo, ilang target nga makabutang og lima ka branches gawas sa Lapu-Lapu.

Barato

Di mabuslot ang imong bulsa sa Tuna Republik tungod sagad sa mga pagkaon affordable.

Apan ang presyo sa panga, belly, tendon ug head paksiw, magdepende sa timbang sa isda.

Ang kinilaw, spicy bagaybay, nuggets, sashimi (12 slices), pancit ug tinola anaa sa P120.

Ang sisig ug cheezy tuna dynamite (10 sticks) anaa lang sa P95. Ang ilang rice tag-P15 per cup.

Sa dakong grupo nga mangaon, adunay function room. Makasulod og 25 ka tawo ug tag-P3,500 alang sa tulo ka oras.

Adunay parking area.

Abli ang Tuna Republik 10 a.m.-2 p.m. ug mobalik og abli 5 p.m.-9 p.m.

Gawas sa senior citizen discount, aduna say dugang 10 porsyento nga diskwento sa ilang mga costumer nga naghupot sa ilang discount card.

Ang discount card ipanghatag matag abli sa ilang branch og matag Disyembre.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph