NAPILI na ang mga bag-ong opisyal sa Philippines Councilor League (PCL) sa probinsya sa Misamis Oriental kon asa usa kini sa gi-reacquire sa buhatan sa Department of Interior and Local Government (DILG).
Gipahigayon ang piliay niadtong Agusto 20 ning dakbayan sa Cagayan de Oro kon asa ang bag-ong napili nagikan sa lungsod sa Sugbongcogon nga si abogada Michele Anayron kinsa nakabaton og 171 nga boto batok sa iyang kaatbang nga si Lilian Gallogo nga adunay 82 botos. Si Anayron gitakdang molambigit na sa Sangguniang Panlalawigan sa umalabot nga sesyon.
Kini sila ang mga napili bag-ohay lang. President: abogada Michile Anayron (Sugbongcogon); vice president: Mercy Grace Acain (Initao); secretary: Sharon Baliangan (Libertad) treasurer: Alvin Edade (Balingasag) ; auditor: Johannes Salcedo (Jasaan); PRO: abogado Jay Francis Bago; business manager: Roger Achas sa (Tagoloan); federation director nga gilangkoban nila ni Councilor Francisco Sabuarao Jr., Catherine Ifurong, Melchor Corrales, Allan Roa, Glenn Zambrano, Adonis Gayramon, Renie Llagas, ug Roy Aniscal.
Si Misamis Oriental Governor Bambi Emano nipaabot sa iyang pahalipay sa mga napili nga mga opisyal kinsa giingon niining nga sagad sa mga nangdaog nagikan sa partido sa Padayon Pilipino ug kaabag nga alliance kang Gingoog City Vice Mayor Peter Unabia.